ઝાકળની જેમ શોભતા અશ્રુ વહનને પૂછ
કેવી વિરહની રાત હતી, મુજ નયનને પૂછ
-‘રસિક’ મેઘણી
ઝેર તો પગમાં સફરનું પણ હતું,
શિર ભલા ક્યા કારણે ફૂટ્યું ? સમજ !
-મહેન્દ્ર જોશી
ઝંખના આ વિશ્વમાં સ્થાયી થવાની છે દુ:ખદ,
થા અહીં મહેમાન તો તકલીફ જેવું કંઈ નથી.
– કિરીટ ગોસ્વામી
ઝાંઝરી પહેરીને નીકળી રાત્રિ જ્યાં આકાશમાં,
ત્યારથી આ પૃથ્વી પર લ્યો આટલું રણઝણ થયું.
– હસમુખ મઢીવાળા
ઝાંઝવાને જઇ કહો,
તું નથી, હું પણ નથી.
– સુધીર દવે
0 Responses
Stay in touch with the conversation, subscribe to the RSS feed for comments on this post.
You must be logged in to post a comment.