"શેર અંતાક્ષરી" સંકલનઃ અબ્દુલ રઝાક "રસિક" મેઘાણી

ચાલ ઇચ્છાઓ બધી ટૂકાવીએ
લાગણીઓને હજી ફૂલાવીએ
-ઉર્વી પંચાલ ‘ઉરુ’

ચોઘડિયાંઓ જોતો રહેશે,
માણસ તોયે રોતો રહેશે.
-ઉર્વી પંચાલ ‘ઉરુ’

ચાંદ સમું પણ દાગ જરી ના
તારું મુખડું સુંદર એવું
‘રસિફ’ મેઘાણી

ચોઘડિયાંઓ જોતો રહેશે, માણસ તોયે રોતો રહેશે.
સુખનો સૂરજ ઊગે તોયે, દુઃખનો ડુંગર મોટો રહેશે.
-ઉર્વી પંચાલ ‘ઉરુ’

ચામડું ઓઢી સતત ફરતો હતો
ને હવે ફરિયાદ કે ઢોલક થયો ?
-નયન દેસાઈ

ચકાસી છે ઘણી ધીરજ ધરીને,
અનેક આશાઓને કસવી પડી છે.
-‘સાબિર’ વાટવા

ચમનમાં ગુલ ઉગે કે થોર, શો ફરક પડશે?
સડેલાં ફેફસાં રાખીને દર્દી વાસ બદલે છે.
-રતિલાલ અનિલ

ચીસ ક્યાં નીકળી શકી એકેય પણ
ફુલને એનો જ બસ આઘાત છે
-ગોવીંદ ગઢવી ‘સ્મિત’

ચાલો ચાલો ખુદને મળીએ
દર્પણમાંથી બહાર નીકળીએ
– અરવીંદ ભટ્ટ્

ચિત્રે જાહોજલાલી ટાંકી ‘રસિક’
રિકત દીવાલપર ઉભરવાનું
-‘રસિફ’ મેઘાણી

ચર્ચા કરી રહ્યો છું સુરાલયમાં ધર્મની
મારાને સંતના સમાગમનું શું થશે?
-બરકત વિરાણી ‘બેફામ’

ચાર ખૂણા છે, ચાર ભીંતો છે
ઘરને પોતાની થોડી રીતો છે
-રશીદ મીર