"શેર અંતાક્ષરી" સંકલનઃ અબ્દુલ રઝાક "રસિક" મેઘાણી

ખાલીપણાનો સંગ હમેંશા છે એટલે
મારા કદમના ધાકથી ખુદ હું જ ત્રસ્ત છું
“રસિફ” મેઘાણી

ખોબો ભરીને ક્યાંયથી, પીવા મળ્યું નહિ,
દરિયો મળ્યો છે આમ તો, ડૂબી જવા મને.
– કૈલાસ પંડિત

ખાંપણ સરખો ખેસ કબીરા
લોક કહે દરવેશ કબીરા
– માવજી મહેશ્વરી

ખબર તો પડે મોતિઓ છે કે નહી
તુ સમંદરમા ડુબકી લગાવી તો જો
-જલન માતરી

ખારાશ આખ્ખા ગામની બાઝી પડી મને
દરિયો થવાની ખેવના કેવી નડી મને
ચંદ્રેશ મકવાણા ‘નારાજ’”

ખમી શકી ન વાટિકા તુષાર ભાર પણ અગર
કહીં સુમન ખરી ગયું, કહીં કળી ખરી ગઈ
-“રસિક” મેઘાણી

ખુદ ઉષા-સંધ્યા ન એનો દઈ શકી કોઈ જવાબ,
લોહીથી સૂરજનો પાલવ કેમ ખરડાયો હતો ?
– ‘શૂન્ય’ પાલનપુરી

ખુલ્લી ક્ષિતિજે ઝૂરતા સૂરજ સમો,
હું શૂન્યમાં બસ દૂર ઓગળતો રહ્યો.
– સુનીલ શાહ

ખાલી વફાની વાત કર્યાથી તો શું વળે ?
જો શ્વાસનો જ ના કશો એતબાર હોય તો !
-ગોવિંદ રા. ગઢવી

ખોઈ નાખ્યા જે દિવસો તડકામાં
છાંયડે ગોતવા નથી ગમતા
-“રસિક” મેઘાણી

ખેલ સમજણભર્યો જિંદગીનો
આંસુઓ લાવ કે ગીતને ગા.
-તથાગત પટેલ

ખજાનો ઉમંગોનો લૂંટાવવો છે હવે,
ભલે હોય થોડી ઘણી એ બચત લઈને આવ.
-સુધીર પટેલ

ખાંડાની ધારે ખેલ અને મોત સાથે બાથ
ત્યાં ચાલવું ધરાર, હજી યાદ છે મને
-“રસિક” મેઘાણી